شوفوا حتكلم معاكم النهاردة بالبلدى عارفين ليه عشان طبعا أنا بحب بلدى
بلدى اللى سرقوها ونهبوها وباعوها وفى الأخر خانوها
سرقوها ونهبوها وباعوها معروفة ولكن أزاى ياولاد خانوها
يا حلو بانت لبتك فى منتدى دافوس
ليه بوش منفسن من مبارك وممدحش فى الأصلاحات الصورية اللى عملها بل أنه أتكلم عن سجناء الرأى ويقصد أيمن نور
أقولكم يا حلوين أمريكا عرفت أن مصر بتلعب من وراها مع أسرائيل وبقى زيتنا فى دقيقنا أقصد غازنا والحدق يفهم
كذلك براك عطى تذكرة التوريث للولا جمال فى مقابل التطبيع
وفى الأسكندرية وعلى مرأى ومسمع من الجميع تقام أحتفالية يشارك فيها 37 دولة أوروبية بمناسبة مرور 60 عاما على قيام دولة أسرائيل
وبعدها فى مكتبة الأسكندرية المعهد الدولى للسلام سيتشرف بمجموعة من المحاضريين الأسرائليين لتدريس ثقافة السلام للباحثين المصريين
حقيقى عمار يا مصر منورة دايما بالصهاينة طبعا دلوقتى عرفنا أزاى خانوها
لكن صدقونى عشم أبليس فى الجنة لا الأب حيطول ولا الولا حيحكم لأنهم بدأوا يلعبوا تحت الحزام
والمرة الجاية حفهمكم أصول اللعبة
اللول الحضراوى................خليفة على الزيبق
لن أموت سوى مرة واحدة
الخميس، 22 مايو 2008
الاشتراك في:
الرسائل (Atom)
خلى بالك أنا عارف كل شيئ عنك يا حلو صح
Sign by اللول الحضراوي - Get Your Free Sign
